Grias eich liabe Leid,

heid hobi a bissal Zeit,

 I hob ma denkt, gehst zum Digruaba rei,

und schaust bei da Tigebaysi vorbei.

Und tatsächlich dean de Fans vum FC Bayern,

heid eana Weihnachtsfeier feian.

Ja mei, warn de Bayern letzts Jo schlecht,

an Van Gaal hamms ausse gschmissn, und des zurecht.

Auf de jungen Spieler duat ea schaun,

ea mecht an Contento und an Alaba aufbaun.

Dann steit  ea nu ins Tor an Kraft,

beinah hättens de Quali zur Champions-Leaugue ned gschafft.

A Jo ohne Titel, des is ned zu fassen,

drum hod da Höneß ganz schnei an Van Gaal entlassen.

Da neie Trainer is bestens als Don Jupp bekannt,

da Heynkes moane is mit de Bayern verwandt.

Zum dritten moi is ea scho do,

darüber hamma olle froh.

Und dazua deans nu an Neuer kaufa,

und scho duats bei de Bayern wieda laufa.

Moastaschaft, Pokal, ois is heia drin,

ja sogar da Champions-League Gewinn.

Obs wos gwinnan, des wissma nu ned,

drum liabe Leid, is jetzt amoi vun eich de Red.

Jeda vun eich nach da Reih dro kimmt,

de Reihenfolge hob i bestimmt.

I hob ma überlegt, wia dua i des aufbaun,

i geh ned nachm Oida oda nachm bled schaun,

dea oane is greisslich, da andre is sche,

na i geh einfach nachm ABC

 Adelinde:

Jetzt kemma glei zu aona, i duast fast nimma kenna,

Konigin duat si si heia nenna.

Ja genau d´Adelinde is jetzt dro,

Tippen kanns bessa, wia ia Mo.

Heimlich duat si wahrscheinlich de Bayern studian,

ia Markenzeichen is des Nosn auffeziagn.

Adelinde, dass i di so seitn sig,

du oida, geiler Strick.

Na, des is ned von mia, so guat miassts mi kenna,

de Kindergartenkinder dean si so nenna.

Andrea:

D´Andrea war heia in Kroatien drunt,

triem hodses do oft kuntabunt.

Mia konnten des olle go ned glaum,

All-Inclisive, des war ia Traum.

Denn war da Dog auch noch so früh,

bsteit si glei im Hotel des Maxi-Menü.

Denn wenn i mi scho ostei, do bin i ned bled,

weil des Maximenü aus 6 Schnaps mera besteht.

Und ausserdem muass i a ned zoin,

ja da Urlaub hod ira ganz guad gfoin.

Doch dahoam geht bei ia da Stress wieda los,

i hob füa nix Zeit, wia mochi des blos?

De Vielen Termine, es is oft zum Schrein,

do zu am Vortrag, do zum Gartenbauverein,

und dann muass i a nu zum Frauenbund,

bei ia moini hod da Dog 28 Stund.

Andrea, dei Lem kannt vui gmüatlicha sei,

was du ned überoi dabei.

Anita:

Jetzt is d`Anita dro, heads guat zua,

Auf de Urlaubfotos zoagt si stets ia Model-Figua.

Ja Anita, a Urlaub in Bali, des is des schena,

war si do aloa mit zwoa Männa.

Frauen heats guat zua,

lossn eichne Foidn im Gsicht koa Ruah,

duat eich des Fett am Körper blogn,

brauchts es bloss da Anita sogn.

Sie kann do wos mocha, auf alle Fälle,

Fet absaugn, Botox spritzen, sie sitzt an der Quelle.

I verod eich a Gehimnis von ia, deats amoi loosen,

Sie hod an springenden Delphin auf ian Busen.

Und Anita, wos is des fia a Gfui,

Seid neiesten hod si nämlich an Massagestui.

Rücken und Schultern loss si si massian,

Anita, duat dea wo anders a nu vibrian?

Biwi:

Wem dua i nu in dera Rundn segn,

sei Spruch is: „Do brauchma ned ren“.

Ja da Biwi, 1 bis 2 moi im Jo,

is ea aufamoi nimma do.

Muaß ea füra bo Dog wieda ins Krankenhaus rein,

deans eam wieda a Stückal aussaschnein.

Wenn a dann zum Fuaßboi-schaun kimmt, duats zwicka und ziagn,

und muass mitm Burle a nu lautstark diskutian.

Schwalbe, Foul, Abseits-Toa,

oft sands unteschiedlicher Meinung, de zwoa.

Doch des Friedens Wille duat ea an Burle Rcht gem,

wia gsogt, do brauchma ned ren.

Burle:

Vom Burli hätt i früher a ganz Buach schreim kinna,

doch jetzt duata nimma so spinna.

Ois eigfleischter Bayern-Fan wiad des ned leicht,

ea nächts jo nämlich sein 60er erreicht.

Dassa nimma so fuatziagt, ja des is richtig,

füa eam hand jetzt andre Dinge wichtig.

Auf da Couch liegta gern, ganz entspannt,

drum is ea bei de technischen Sachan imma aufn neiasten Stand.

3D, IPAD, HDTV, i go ned ois aufzein ko,

Kaum gibts wos neis, hods da Burle scho.

Wia des beim Burle oisse geht,

wei billig is des Zeig ja ned.

Doch da Nikolaus kennt si aus bei dia,

er hod nämlich a eigene Währung, er rechnet in Bia.

Er sogt, i geh nimma zum Wirt und dua do saufa,

da kann i ma leicht des olles kaufa.

A gscheida Urlaub jeds Jo gheat bei eam hea,

am liabsten mit da Aida aufm Meea.

Füa de nächste Schiffsreise scho de Planung steht,

es wahrscheinlich nach Südostasien geht.

Eise:

Brauchts an 4. Mann zum Schofkopfa,

dann ruafts am besten beim Eise a.

Is wuarst ob um 10 in da Fria oda um drei,

da Eise is beim Karteln oibai dabei.

Doch duata moi ned de Kartn mischen,

verbringt ea sei Zeit am Inn beim Fischen.

Des kanna guat, des Wiama bon,

is ea nämlich heia Fischerkönig won.

Ja des Fischn is sei Lem,

5 Hecht an oam Dog is fa eam koa Problem.

Gudi moane hods mit eam ned leicht,

grod dass bei de zwoa zu 1 Woche gemeinsamen Urlaub reicht.

1 Wocha zum Fischen ea nach Ungarn fod,

und füas Fischputzn is eam da Urlaub a ned dschod.

Aba als zukünftiger Chef seiner Firma kann er sichs erlaum,

Oan Tip, liabe Leid, dats an Eise ned ois glaum.

De Firma duat eam nu ned ghean,

Ois hada uns verzeit, doch mia dean nix mea hean.

Freddy:

Da Freddy is oibai nu koa Bayern-Fan won,

Macht nix, hautsach ea foamt de Figuan mit seine Luftballon.

An Hund, a Blume, de Kinder dean grod so schaun,

und zum Schluß nu an Zipfe füa de Fraun.

In Tann draussen, do bei Zimmern,

duat ea si um de Pferdl kümmern.

Fuadan, Striegeln und Ausreiten,

i glaub ea duat boid an Pony-Hof leiten.

Ja mitm Freddy is oibai glegn,

schod dassma eam ned eftas segn.

Füan Stammtisch hod ea seitn Zeit,

anscheinend is des Anreise aus Tann vui zweid.

Gretl:

Um 7 in da Fria, wennd d´Nachbarn in d`Arbeit fon,

steht Gretl scho im Nachthemd aufm Balkon.

Bleame duats giaßn, dass de sche blian,

doch insgeheim duat si den Nachbarn inspizian.

Ja d´Gretl is a neigierige Frau,

gibts wos neis, woas si des genau.

De Stroß fegn und Wintergartn putzn duat si gean,

do kanns nämlich ois genau vun de Nachbarn hean.

Ja de Neigia is bei da Gretl ganz groß,

drum is si unsa Miss-Marple von da Wilhelm-Vorwallner-Stroß.

Gudrun:

Wissts wos Gudi de ganze Zeit mocht,

Sie arbeit vun in da Fria bis spät auf d`Nocht.

Gudi, dafüa muaß i di lom,

Sie is de Chefin in Mühldorf `drom.

Sport-Outlet-Center nenn si des,

Füa mi is a Schnappal-Markt, sei ma ned bes.

Ja arbeitn duats wia a Stia,

Doch jammern heast du d´Gudrun nia.

Und Is de Gudrun amoi vom Alkohol guat drauf,

setzt si a leichtes Grinsen auf.

Ire Augn fangan dann zum funken o,

si dann ian Rausch ned verleugnen ko.

Hans:

Da Hans steit füa de große Bayern-Fahn auf an neian Mast,

ea denkt si, dass ja des Grundfest dafüa passt,

duat ea gewissenhaft de Gebrauchsanleitung lesen,

ja, heia im Summa im Garten drunt is des gwesen.

Fast an Meda tiaf muaß des Loch dafüa sei,

des Grom is anstrengend, drum lodda seine Nachbarn ei.

Dass des genau nach Anleitung ois passiat,

wird grom und sorgfältig betoniat.

Da Hans gfreit si, „Jetzt hob ihn do“

Jetzt de Bayern-Fahn sauba wacheln ko.

Voa lauta Freid hisst ea de Fahn vum FCB,

doch da Mast is z`kuaz, De Fahn duat am Bon aufsteh.

Ea kauft si an Jeep aus China oder Korea,

hauptsach s` eisteign is bequema.

Doch mit de Ausländer iss  hoid a Gschiß,

wenn a moi de Batterie la is.

In Julbach heia, am Frühschoppen was wieda la,

da Hans bittet de Manna,: Jungs heiftsma, schiabts mi a.

Dahoam denkt si da Hans, de Baterie is glei wieda glon,

da brauch i ned in d`Werkstatt fon,

Ea duat sei Auto in da Garage ostecka,

und dann der Alarm um 2 in da fria de Nachbarn aufwecka.

Hansi:

Kemma nun zum Hans sein Schwiegersohn,

zum Hansi von Minga drom.

Beim Hans seiner 80.Geburtstagsfeier duat ea ausflippen,

muass ea vor lauta Rausch vor olle Leid strippen.

Doch Hansi, bei dir is des Strippen recht glegn,

eigentlich mog koana dein Astral-Körper segn.

I glaub in Minga drom a Haufa Geid ma verdiena ko,

A neis Auto gibts bei eam olle 2, 3 Jo,

doch irgendwo muass ea a wieda spon,

drum duat ea zum Reifenwechseln auf Simbach fon.

Hansi, is der Reifenwechsel in Minga so teiea,

wenns des Benzin rechnets kriags fast an neia.

Anscheinend duat beim Hansi im Gartn jetzt da Bus vorbei geh,

duat nämlich seit neiestens do a Bushäusel steh.

An Grillplatz mit Überdachung duat ea si baun,

vun Weiten duats eben wia a Bushäusl ausschaun.

Doch des mitm Bus des war glogn,

lustig wars scho: Haltestelle Weizengasse mit Grillstation.

Gei Hansi, wa des früha scheh,

mitm Willi auf´d Nocht Gassi geh.

Do trifftma zum Ratschen oibai oi Leid,

ned nua an Willi hod des gfreit.

Vor allem fesche Frauen hod da Hansi do troffa,

drum weat ea wieda auf an neian Hund jetzt hoffa.

Judith:

Da Judith duats in Simbach scho gfoin,

ia zwoata Wohnsitz is Willi neun.

In Simbach do, des wa ia Lem,

vor allem Hotel Gudrun is ganz bequem.

Judith, wos soi des nu mit dia wean,

si find koan Mo, des is zum blean.

Sie mechat si scho ganz gean bindn,

doch Judith, im Dublin drunt, do weast koan findn.

Si hod a verstecktes Talent,

schauts es moi o, ihre Hend.

Beim Fingernägel mocha duat si ois probian,

duat si ihren eigenen Style kreian.

Judith, dua hoid do ned so vui Zeit verscheissen,

i dat mi liaba um de Mana reissen.

Denn du brauchst wirklich ned glaum,

dass de Manna ois erst auf d` Fingenägel schaun

 Marina und Mandi:

Gemma nun weida in meinem Gedicht,

da Nikolaus vum Mandi und da Marina jetzt spricht.

Im Somma gibt’s in eanan Gartn vui zu doa,

fast jedn Dog hans unten, de zwoa.

Rasen mahn und Gmias obaun,

und jeden Dog nach de Bleame schaun.

Ja der Garten hoid se fit,

und da Mandi weakelt fleißig mit.

Eannane Pfefferoni, de hand Krass,

de wennst isst, des mocht koan Spass.

Warum dasses es obauts, koana versteht,

wie essn deats es seiba ned.

Sie deans liaba de Nachbarn schenga,

soin de sich eana Mei verbrenna.

D´Marina is ned nua fleißig unta da Wocha,

jeden Sonntag duat si a nu kocha.

D´Kinder und s`Enkal kemman zum Essen dann,

ja d´Marina hoid ia Familie zsam.

Martina:

Kemma zur Frau vun eicham Präsident,

d`Martina woi a jeda kennt.

Beim Unterreiner drom, des is ia Lem,

ois duat si für de Firma gem.

Mehra Stundn sie jetzt in`d Arbeit geht,

weil da Mo dahoam brauchts si ja ned.

Sie macht heia a Weight-Watchers Diät,

weil mit dera des obnehma vui leichta geht.

Gsund ernährn und koan Alkohol dringa,

fast 10 Kilo duat si obabringa.

Und wos beim Obnehma des Guade is dran,

dass ma sie neie Klamotten kaufa kann.

10 Kilo leichter, Gott sei Dank,

doch umso schwara is jetzt ia Schrank.

Nac:

Hin und wieda duat da Nac nach Kroatien flitzen,

des schenste do untn is im Keller sitzn.

Kaum isa drunt, duast eam nimma segn,

und dringa duat a moane a ned wegn.

2, 3 Dog duat des so geh,

füan Nac is des oibai scheh.

Aufdaucha duata dann irgendwann,

Nac, dassma grod so vui suafa kann.

Nac-Special, de is sei Weda,

Vielleicht kennt des nu ned jeda.

De Mischung dua i ned verron,

do miassts an Nac scho seiba frogn.

I frog mi bloß, wia kanns des gem.

20 Nac-Spezial is füa eam koa Problem.

Es miassts amoi des Getränk probian,

an jedn vun eich dads de Fiaß wegziagn.

Nac, des mim ren, des is so a Sach,

i sog bloß, Deuschte Sprach, schwere Sprach.

Wenn ea wos verzeit, do hean olle gspannt,

do hauts eam oft de Wörter durcheinand.

Fangta dann nu leicht zum Stottern o,

oft kannma recht vui locha do.

Doch Nac, wos muass i do lesn?

Beim Ausflug heia bist ned dabei gwesn.

An Gipshax hoda do ghod,

Drum ea ned mit nach Kitzbühl fod.

Doch Nac, du uns e verdiascht wasd woan,

z`Fuaß mitm Gipshax aufs Kitzbühler Hoan.

Peter:

Wos wead da Peda am Sonntog vormittag dreim?

Ja, do is sei Frühschoppen-Time.

Im Gasthaus zur Ziege deatsna finden,

doch vorher duata si nu mitm Ral obeschindn.

Sogar auf d`Asenberg-Alm duat ea mim Ral aufferenna,

und dabei an haufa Kalorien verbrenna.

Natürlich is da Duarst dann groß,

doch ois Sportler dringt ea zwoa Hoibe bloß.

Logisch, dass ea wieda pünktlich fod,

wenn dahoam Dagi recht aufkocht hod.

Peda, wia kann des sei?

Du bist ja scho ewig bei dem Verein dabei.

Vom Tippen host trotzdem nu koa Ahnung ned.

Schau moi, wos bei deiner Gewinnsumme steht.

Kimmt da Fritschi zum Kassian, kann ea ned locha,

muass ea oibai weit an Geidbeitel aufmocha.

Renate:

Kemma zur Oma vun da Lin,

besser bekannt als Migräne-Königin.

Da Nikolaus vun da Renate jetzt spricht,

i hoff, dass si mi jetzt ned unterbricht.

Wei ren glaub i is ia Spoat,

bei ia kimmst fast nia zu Woat.

Wia da Brunenkam zuagspeat hod, hodsi ia Arbeitgeber gändert,

doch ia Arbeitsplotz blieb unverändert.

Sie braucht wieda bloss üba d´Straß drüba geh,

und duat jetzt im Werkeug-Schnappal-Markt steh.

Ja Renate, voa di ziag i mein Huat,

um wos si sich ois kümmen duat.

Do ia Mama duschen, do ian Vater chaffian,

und dazwischen da Martina nu d´Hoo eischmian.

Hecken schnein und Rasen mahn,

Autowaschen und Tanken fahn,

Sie schimpft, i bin wiaklich bled,

i dua ois, und da Burle duat koan Handstrich ned.

Robert:

Ja wos soi i scho großartig vom Robert sogn,

s´Kreizweh duat eam eftas plogn.

Wara koa Wunda, dass ea vor lauta Kreizweh schnauft,

wenn ea si so a kloans Auto kauft.

Da Robert, unsa Macho, jetzt o gem ka,

kauft ea sich an Mercedes Cabrio SLK.

Doch praktisch is des Auto ned,

Füa sei Tina is des nämlich bled,

Muass si dahoam bleim, wenn ea nach Simbach fod,

ea nimmt sein Freind mit, des Auto nua 2 Plätze hod.

Manna, jetzt brauchts ned locha,

da Robert duat jetzt seiba kocha.

Entn, Gulasch, ois kimmt do dro,

i woaß ned, ob sei Freindin des ned ko.

Tina:

An Tschak sei Schneki is jetzt dro,

de Tina steht beim Schenki druntn iran Mo.

Vor lauta Arbeit kann  si si oft ned rettn,

sogar auf´d Nacht muass nu de E-Mails tschekn.

Tina hod si heia richtig gfreit,

i fliag in d´Türkei mit meine Leid.

Doch oan Abend da unten duat si übertreim,

und duat vor lauta Rausch des ganze Bad daspeim.

Da Zjelko kann da go ned locha,

muass ea de Handtücher waschn und des Bad sauba mocha.

Da Tschak woid sei Taucherausrüstung nimma bhoidn,

drum duat d`Tina a Anzeige in da Zeitung schoidn.

Ruaft dann glei a Deppada o,

ob ma de Taucherbruin a für an Einäugigen hom ko.

Und de Flossn hand a vui zgroß.

Braucht ma hoid a Bo Sockn bloß.

Tina denkt si, is dea Hirnverbrennt,

da Fritschi was, si hodna ned erkennt.